|
En qué inviste COOP57 o seu diñeiro? |
Ata o momento, COOP57 outorgou máis de 600 préstamos a proxectos de cooperativas, asociacións e outras entidades da economía social, sempre coa dobre esixencia da viabilidade económica e o rendemento social.
COOP57 só concede préstamos e non da subvencións nin fai achegas a fondo perdido aos seus socios.
O Boletín informativo, en formato electrónico, permite facer un seguimento dos proxectos que se financian (importe, prazos e breve explicación do proxecto financiado).
|
|
As entidades que piden créditos devolven o diñeiro? |
Desde a súa constitución até esta altura, a taxa de morosidade de COOP57 é baixa, atópase moi por debaixo da das entidades financeiras convencionais.
Durante este período algunhas entidades financiadas tiveron problemas para realizar os pagamentos do préstamo. Estas situacións resolvéronse renegociando ou adiando o pagamento para poderen sobardar o momento crítico.
Hai que ter en conta que as entidades que solicitan préstamos son, á súa vez, sócias de COOP57, de forma que tamén acreditan no proxecto e fanse responsábeis del. Todas xuntas criamos un círculo virtuoso.
|
|
Que garantías se piden para conceder un préstamo? |
COOP57 aplica sistemas máis xustos e imaxinativos que as entidades financeiras convencionais. A garantía é persoal e non patrimonial e divídese (garantía mancomunada en vez de solidaria).
Cando se da un préstamo a unha cooperativa ou entidade que ten cinco socios, a responsabilidade divídese entre eles e cada un responde individualmente por unha parte do préstamo, non pola totalidade.
Priorízase o capital humano sobre o financeiro. É un sistema similar ao que aplica o Grameen Bank de Bangla Desh.
|
|
Que pasa se as entidades que recibiron os préstamos non devolven o diñeiro? |
|
Unha vez esgotadas todas as posibilidades e no caso que a entidade non mostrase ningún interese por devolver o diñeiro, COOP57, en defensa dos dereitos e deberes dos socios e das socias e as socios colaboradores, exercería as accións legais oportunas.
|
|
COOP57 concede préstamos a particulares? |
|
COOP57 só pode ofrecer os seus servizos financeiros aos seus socios, é dicir, a entidades da economía social (cooperativas, asociacións, fundacións, ONG, etc.).
|
|
Que criterios éticos e solidarios se aplican? |
|
Os proxectos que reciben o apoio de COOP57 deben satisfacer, como mínimo, as seguintes condicións:
- Ter unha finalidade, en sentido amplo, de interese social.
- Estar enraizados no territorio.
- Colaborar na construción dunha sociedade máis solidaria.
- Funcionar con criterios de autonomía e xestión democrática.
- Crear postos de traballo estables.
- O reparto dos excedentes é en función do traballo aportado.
- Dispoñer dun proxecto economicamente viable.
- Ofrecer a capacidade suficiente para poder facer o retorno do préstamo solicitado.
|
|
Que tipo de xuro cobra COOP57 polos préstamos? |
|
A Asembleia Xeral de sócias de servizos e sócias colaboradoras fixa cada ano o tipo de xuro para remunerar as achegas voluntárias das sócias de servizos e das sócias colaboradoras. Este xuro é o punto de referéncia para determinar o tipo de xuro que se aplica aos préstamos.
Para o ano 2012, o xuro dos préstamos a médio e longo prazo atópase por baixo do 7% neto anual. Os préstamos non teñen outros gastos nin comisións.
-
Xuro para remunerar as achegas: 2%
- Xuro para financiar os custos de funcionamento: 4,75%
- Total xuro dos créditos: 6,75%
Para os outros préstamos os tipos de xuro (ano 2012) son os seguintes:
- Préstamos de intercooperación: 5,90%
- Préstamos para financiar circulante: 7,25%
- Préstamos para anticipar subvencións ou convénios con Administracións Públicas: 7,25%
|
|
Quen decide que préstamos se conceden? |
As solicitudes de préstamos son analisadas pola Comisión Técnica. Elabora un informe, que pode ser favorábel ou negativo, para o Consello de Sección, que é o órgano de cada sección territorial que ten responsabilidade para decidir a concesión dos préstamos.
|
|
Perguntas habituais 
