A Asembleia de COOP57 ten a potestade para decidir como se distribúen os benefícios. Pódense distribuir entre as sócias de servizos e as sócias colaboradoras ou reinvesti-los en COOP57.

Na práctica, COOP57 sempre ten destinado, unha vez aplicada a porcentaxe que indica a Lei ao Fondo de Reserva Obrigatório e ao Fondo de Educación e Promoción Cooperativa, o 100% dos excedentes a reservas voluntárias para garantir a sustentabilidade económica do proxecto.

Dada a súa condición xurídica, COOP57 apenas pode depositar os seus recursos en institucións financeiras convencionais. Segundo os nosos acordos internos, como mínimo o 15% dos recursos deben ser líquidos para podermos atender as posíbeis solicitudes de devolución das achegas das sócias de servizos e das sócias colaboradoras.

Actualmente, os recursos que non se poden destinar a préstamos están depositados en caixas cooperativas, en concreto na Caja Laboral, na Caja de Ingenieros e en Bantierra (caixa cooperativa, resultado da fusión da Caja Rural Aragonesa y de los Pirineos, a Caixa d'Advocats e Cajalón).

Poden ser sócias as entidades da economia social (cooperativas, asociacións, sociedades laborais, empresas de inserción, ONG, montes viciñais en man común, movementos sociais e entidades da economia social en xeral).

Todas as entidades que soliciten entrar en COOP57 deben realizar unha avaliación ética e social. A Comisión Social de cada sección territorial, integrada por persoas voluntárias alleas aos órganos e  á estrutura técnica de COOP57, encarrégase de avaliar que a entidade se adecúa aos nosos critérios éticos e sociais.

Unha vez realizada a avaliación ética e social, para ser sócia cómpre efectuar unha achega:

• 901,52 € como achega mínima obrigatória a capital.
• 98,48 € para pagar os gastos de ingreso.

As sócias poden realizar achegas voluntárias as veces que queiran (áte un máximo de 200.000 €).

O prazo de estas achegas é dun ano renovábel de xeito automático, coa ideia óbvia, de que cantos máis recursos dispoñamos máis proxectos poderemos financiar a médio e longo prazo.

As achegas obrigatorias non reciben ningún xuro porque forman parte do capital de COOP57. Poden participan das perdas e ganancias de COOP57.

As achegas voluntarias, en cambio, remunéranse cun tipo de xuro que fixa anualmente a Asemblea Xeneral. Para o ano 2012 é do 2% anual. 

A remuneración faise efectiva ao vencemento da achega no primeiro ano, coa dedución da retención fiscal correspondente. A sócia ten a opción de cobra-los, através  dun ingreso a conta que facilite, ou deixa-lo en COOP57 e aumentar así a súa achega voluntária.

No segundo ano e sucesivos a remuneración faise efectiva o 31 de Decembro.

A sócia pode solicitar a devolución total ou parcial, por anticipado, das achegas voluntárias. Se se fai antes do primeiro ano, non se percibirá a remuneración xerada nos últimos dous meses.

Por outra parte, a devolución das achegas obrigatórias significa de xeito automático a baixa como sócia e está regulada nos Estatutos sociais.