Energia Komunitate Lokalek (CEL, akronimo katalanaren arabera) energia-trantsizioa eta burujabetza energetikoa helburu duten pertsona eta erakundeek osatzen dituzte, energia elektriko berriztagarriaren autokontsumoa partekatzeaz gain. Haien helburuen artean daude, halaber, energia-eraginkortasuna eta kontsumoaren murrizketa, eraikinen birgaitze energetikoa, mugikortasun elektriko partekatua eta pobrezia energetikoaren aurkako borroka.
Bartzelonako Santseko auzoak 2022az geroztik La Bordeta Energia Komunitatea dauka. Bertan Santseko eta La Bordetako auzoko pertsona eta erakundeak biltzen dira, energia-kontsumo jasangarriago eta burujabeago baterantz aurrera egiteko asmoz. Ordutik, CELak hainbat ekimen jarri ditu martxan, horien artean Bartzelonan energia-trantsizioa gidatzeko proiektu aintzindaria.
CELeko bazkideek auzoko bost eraikinetan plaka fotovoltaikoak instalatzea lortu dute. Horretarako, hainbat mailegu eskatu dizkiote Coop57ri: bat instalazioen lehen faseari aurre egiteko, eta bestea bigarren faserako, otsailean gauzatu dena.
Gaur egun, dagoeneko martxan daude eguzki-plaka fotovoltaikoak honako eraikinen teilatuetan: La Borda, La Diversa, Kontsumo Kooperatiben Federazioa, La Comunal eta Eco Central.
Etorkizunean, CEL-ek mugikortasun jasangarri eta partekatuko zerbitzuak ere eskaintzea aurreikusten du, baita ibilgailu elektrikoentzako karga-puntuak izatea ere.
Erlazionatutako edukia: vídeo Historias de transformación colectiva. Cap 2.
