
Este 2019, após uns cantos anos de traxectoria como grupo promotor, 18 entidades de economía social e solidaria constituíron formalmente Coop57 Asturies como sétima sección territorial da cooperativa. Deste modo, Coop57 continúa implantándose en varios territorios de acordo cun modelo de crecemento e desenvolvemento en rede que prioriza o arraigo e a autoxestión.
A constitución da sección celebrouse os días 26 e 27 de abril en Xixón e contou co apoio de persoas de Coop57 vindas de todas as seccións territoriais, que aproveitaron para facer tamén unha reunión do consello reitor. O venres 26, unha vez acabada a reunión, unha cea e unhas actuacións musicais nos locais da Asociación de Veciñas de Santiago de Novo Xixón xeraron o marco para fortalecer o coñecemento mutuo entre integrantes da nova sección territorial e representantes do resto de territorios.